Kosova po përgatitet të mirëpresë një nga ngjarjet më të rëndësishme të sektorit energjetik dhe të biznesit të qëndrueshëm – Kosova Energy Forum dhe Green Business Expo 2025, që do të zhvillohen më 24–25 shtator 2025 në Sallën “1 Tetori” në Prishtinë.
Si pjesë e platformës unike Kosova Business Forum, këto ngjarje do të bashkojnë liderë të qeverisë, sektorit privat, organizata ndërkombëtare, partnerë zhvillimi dhe komunitetin akademik për të diskutuar, projektuar dhe përshpejtuar tranzicionin energjetik të vendit.
Ngjarja ka për qëllim nxitjen e investimeve në ekonominë qarkore, mbështetjen e reformave politike në përputhje me Agjendën e Gjelbër të Bashkimit Evropian dhe forcimin e kapaciteteve lokale përmes dialogut, inovacionit dhe përfshirjes publike.
Pjesëmarrësit do të kenë mundësinë të marrin pjesë në sesione të nivelit të lartë me folës të njohur nga rajoni, panele interaktive me ekspertë të energjisë dhe inovacionit, si dhe punëtori praktike për të thelluar njohuritë mbi politikat energjetike.
Si pjesë integrale e forumit, Green Business Expo do të ofrojë platformën më të madhe në vend për bizneset e qëndrueshme dhe inovacionin e gjelbër.
Më shumë se 70 kompani vendore, rajonale dhe ndërkombëtare do të prezantojnë zgjidhje të avancuara në fusha si efiçienca e energjisë, burimet e ripërtëritshme, ndërtimi i qëndrueshëm dhe dizajni ekologjik.
Pjesëmarrësit do të kenë mundësinë të lidhen me liderët e industrisë, të prezantojnë zgjidhje inovative, të zgjerojnë rrjetin profesional përmes takimeve B2B dhe të kontribuojnë drejtpërdrejt në hartimin e të ardhmes energjetike të Kosovës.
Kosova Energy Forum dhe Green Business Expo, 2025 nuk janë thjesht një ngjarje e zakonshme; ato përfaqësojnë një hap konkret drejt një të ardhmeje energjetike të qëndrueshme, të sigurtë dhe të bazuar mbi inovacion për Kosovën.
