Për dy ditë me radhë, Fondi i Kosovës për Efiçiencë të Energjisë (FKEE) ka zhvilluar një punëtori planifikuese të përqendruar në strukturimin e proceseve dhe forcimin e kapaciteteve të nevojshme për zbatimin e programeve të tanishme dhe të ardhshme në fushat e efiçiencës së energjisë (EE) dhe burimeve të ripërtëritshme të energjisë (RES).
Punëtoria u organizua me mbështetjen e GIZ Kosovo, dhe synon të sigurojë një qasje më të qëndrueshme dhe të koordinuar për përballimin e sfidave energjetike në vend, përmes projekteve konkrete që pritet të fillojnë së shpejti.
Diskutimet u fokusuan në përmirësimin e strukturave institucionale, harmonizimin e procedurave dhe zgjerimin e fushëveprimit të FKEE.
Fondi ka theksuar përkushtimin e tij të vazhdueshëm për të kontribuar në përmirësimin e efiçiencës së energjisë në Kosovë, si një ndër mjetet më efektive për të ulur konsumin, rritur kursimet dhe reduktuar ndikimin ambiental.
Sipas FKEE-së, partneritetet e fuqishme si ai me GIZ janë thelbësore për të arritur objektivat kombëtare për tranzicionin energjetik dhe zhvillimin e qëndrueshëm.
