Iniciativa “Young Green Leader of Kosovo” është përmbyllur, duke vënë në pah rolin e rëndësishëm që të rinjtë kanë në avancimin e veprimit klimatik në Kosovë.
Përmes klubeve klimatike, iniciativave të udhëhequra nga nxënësit dhe punëtorive lokale, projekti ka nxitur angazhimin e të rinjve në çështjet mjedisore dhe në promovimin e qëndrueshmërisë.
Ky projekt u vlerësua gjithashtu si një shembull i bashkëpunimit të suksesshëm ndërkufitar. Përmes përfshirjes së ekspertëve nga diaspora në Gjermania, si dhe angazhimit të organizatave vendore dhe shkollave, nxënësit përfituan mentorim, njohuri dhe mbështetje për të kthyer idetë e tyre në veprime konkrete, njofton Energy Monitor.
Në ngjarjen përmbyllëse, këshilltari politik në Ambasada Gjermane në Prishtinë, Dr. Payam Ghalehdar, theksoi rëndësinë e përfshirjes së diasporës, duke nënvizuar se shkëmbimi i njohurive krijon ura bashkëpunimi mes vendeve.
Aktiviteti përfshiu gjithashtu një panel diskutimi mbi angazhimin e të rinjve në veprimin klimatik, si dhe ndarjen e certifikatave për nxënësit dhe mësimdhënësit pjesëmarrës, përcjell Energy Monitor.
Projekti u zbatua nga ASAS e.V. dhe TOKA, me mbështetje të Qeverisë Gjermane përmes GIZ Kosovo, duke kontribuar në ndërtimin e një të ardhmeje më të qëndrueshme në vend.
