Sipas të dhënave të Balkan Energy, çmimi i gazit natyror në tregun CEGH për korrikun 2025 ka rënë në 39.86 €/MWh, duke shënuar një ulje prej -0.3% nga dita e mëparshme dhe -8.32% në krahasim me javën e kaluar. Për tremujorin e tretë të vitit, rënia është -8.25%.
Edhe tregjet e qymyrit API-2 për muajin korrik regjistrojnë një rënie prej -2.61%, dhe për tremujorin e tretë -2.01%. Rëniet reflektojnë pritshmëritë për kërkesë më të ulët verore dhe rritje të kapacitetit të energjisë së rinovueshme në rajon.
Ndërkohë, çmimi i EUA-ve (lejeve të karbonit për CO2) për dhjetorin 2025 është ulur me -7.16%, duke reflektuar pritje më të buta për politikat e dekarbonizimit në afat të shkurtër dhe prodhim më të ulët industrial në disa vende të BE-së.
