Temperaturat e larta nuk duhet të nënkuptojnë edhe fatura të larta të energjisë. Zgjedhja e pajisjeve efiçiente është hapi i parë drejt kursimit.
Kur blini ventilatorë apo kondicionerë, kushtoni vëmendje etiketës së energjisë së BE-së – produktet e vlerësuara me shkronjën “A” janë më efikaset dhe ndihmojnë në uljen e konsumit, reduktimin e emetimeve dhe kursimin e parave.
Përveç pajisjeve të duhura, disa masa të thjeshta mund të bëjnë diferencë. Bllokimi i rrezeve të diellit me perde ose grila mbron ambientet nga mbinxehja. Përdorimi i ventilatorëve së bashku me kondicionerin mundëson ngritjen e temperaturës së termostatit, duke ruajtur freskinë me më pak energji.
Mbajtja e dritareve të mbyllura gjatë ftohjes ndihmon në ruajtjen e ajrit të freskët, ndërsa vendosja e termostatit në temperaturën më të lartë të mundshme, por ende të rehatshme, ul ndjeshëm konsumin.
Këto praktika nuk janë vetëm teorike. Në vitin 2020, konsumatorët kursyen rreth 1.7 miliardë euro në përdorimin e kondicionerëve falë standardeve të Eko-dizajnit dhe etiketimit të energjisë të BE-së. Parashikimet tregojnë se deri në vitin 2030, kursimet mund të arrijnë në 5.6 miliardë euro.
Zgjedhjet e mençura të energjisë jo vetëm që ulin faturat, por kontribuojnë edhe në një mjedis më të pastër, duke provuar se freskia dhe qëndrueshmëria mund të ecin dorë për dore.
