Shoqëria e veçantë e projektit SPV Blue 2, e krijuar nga bashkëpunimi mes Enlight Renewable Energy dhe Nofar Energy, është regjistruar zyrtarisht si anëtare e Albanian Power Exchange (ALPEX).
Ky zhvillim shënon një hap të rëndësishëm në integrimin e kompanive të huaja në tregun shqiptar të energjisë, duke rritur konkurrencën dhe transparencën.
SPV Blue 2 është një nga projektet kryesore të energjisë diellore në vend dhe anëtarësimi i saj në ALPEX pritet të përmirësojë qasjen në treg, si dhe të nxisë likuiditetin në bursën e energjisë. Ky hap përforcon rolin e Shqipërisë si një nyje e rëndësishme në rajon për zhvillimin e tregjeve të energjisë elektrike.
Anëtarësimi i kompanive ndërkombëtare si Blue 2 tregon besimin e tyre tek stabiliteti i rregullave dhe perspektiva e bursës shqiptare. Ky zhvillim shihet gjithashtu si një sinjal pozitiv për investitorët e tjerë potencialë që shqyrtojnë mundësinë e hyrjes në tregun energjetik shqiptar.
