Qeveria e Bullgarisë ka aprovuar një garanci shtetërore për një kredi afatgjatë me vlerë 48.9 milionë leva (rreth 25 milionë euro), që Bulgartransgaz, operatori shtetëror i transmetimit të gazit natyror, ka marrë nga Investbank. Kjo garanci u nënshkrua si pjesë e masave që mbështesin zgjerimin e infrastrukturës së transmetimit të gazit në kuadër të iniciativës Vertical Gas Corridor (Korridori Vertikal i Gazit).
Në të njëjtën kohë me garancinë shtetërore, Investbank dhe Bulgartransgaz nënshkruan një marrëveshje financimi afatgjatë në vlerë 50 milionë leva, sipas Ministrisë së Financave të Bullgarisë.
Projekti i Korridorit Vertikal të Gazit përfshin operatorë nga Bullgaria, Greqia, Rumania, Hungaria, Sllovakia, Ukraina dhe Moldavia, dhe synon të rrisë kapacitetin e tranzitit të gazit natyror midis Greqisë dhe Ukrainës.
Po ashtu, më herët gjatë këtij muaji, Bulgartransgaz nënshkroi një tjetër kredi afatgjatë me vlerë 200 milionë leva me United Bulgarian Bank (UBB) për të financuar këtë projekt rajonal të gazit. Qeveria bullgare synon që Korridorin Vertikal të Gazit ta bëjë operativ deri në tremujorin e katërt të vitit 2026.
