Serbia po bën hapa të mëdhenj drejt zhvillimit të sistemeve të ruajtjes së energjisë me bateri (BESS), me një kapacitet të përgjithshëm prej 2,021 MW dhe 5,899 MWh që ndodhet aktualisht në procedurë lidhjeje me rrjetin.
Sipas operatorit të sistemit të transmetimit, Elektromreža Srbije (EMS), në proces janë gjithsej 55 projekte, prej të cilave 11 janë sisteme të pavarura të ruajtjes së energjisë me 1,072 MW dhe 2,982 MWh, ndërsa 44 projekte janë të bashkëvendosura me centrale të ripërtëritshme me 948 MW dhe 2,917 MWh.
Në vitin 2025, EMS ka pranuar 12 aplikime për studime lidhjeje për bateri të pavarura, me kompani si MKBDP Energy, Green Land New Energy, Blue BESS KV, Red BESS KV, Yellow BESS KV dhe të tjera. Nga këto, projekti i MKBDP Energy ka avancuar më së shumti, duke dorëzuar garancinë bankare dhe duke hyrë në fazën e kontratës së lidhjes.
Lokacionet e planifikuara për këto projekte përfshijnë qytete si Valjevo, Vranje, Suboticë, Kovaçicë, Vršac, Leskovc, Kragujevc, Kruševc, Jagodinë dhe Ćuprijë.
EMS e cilëson këtë zhvillim si një hap pozitiv për sigurinë dhe fleksibilitetin e sistemit energjetik, duke theksuar se integrimi i baterive do të ndihmojë në balancimin e prodhimit nga burimet e ripërtëritshme, të cilat po rriten me ritme të shpejta në vend.
