Në ambientet e Ministrisë së Energjisë, Minierave dhe Burimeve Minerale të Republikës së Maqedonisë së Veriut, u nënshkrua një marrëveshje e rëndësishme mes Operatori i Sistemit të Transmetimit të Energjisë Elektrike (MEPSO) dhe Agjencisë Franceze të Zhvillimit (AFD).
Ky grant prej 600,000 eurosh ka për qëllim të mbështesë modernizimin dhe digjitalizimin e rrjetit të transmetimit të energjisë elektrike në vend, duke kontribuar në një furnizim më të qëndrueshëm dhe efikas me energji elektrike.
Në ceremoninë e nënshkrimit morën pjesë Ministrja e Energjisë, Minierave dhe Burimeve Minerale, Sanja Bozhinovska; Ambasadori i Francës në Maqedoninë e Veriut, Christophe Le Rigoleur; Drejtori i Përgjithshëm i MEPSO, Burim Llati; Drejtoresha Ekzekutive e RTE International, Veronique Milevski; dhe Zëvendësdrejtori i Zyrës së AFD për Ballkanin Perëndimor, François Vins. Ky projekt është një hap i rëndësishëm në forcimin e bashkëpunimit teknik dhe institucional midis Maqedonisë së Veriut dhe Francës në sektorin e energjisë.
Grant-i do të financojë një sërë aktivitetesh kyçe, përfshirë zhvillimin e studimeve për përshtatshmërinë e sistemit duke përdorur simulatorin e tregut ANTARES, dimensionimin e rezervave sistemike, krijimin e një metodologjie për llogaritjen e humbjeve të transmetimit dhe zhvillimin e një studimi të fizibilitetit për digjitalizimin e një nënstacioni. Ky angazhim synon të përmirësojë kapacitetet teknike dhe analitike të MEPSO-së, duke mundësuar një menaxhim më efikas të rrjetit të energjisë elektrike.
Ministrja Bozhinovska theksoi rëndësinë e këtij partneriteti për ndërtimin e një sistemi energjetik modern dhe të qëndrueshëm: “Ky projekt do të kontribuoni në një rrjet më të fortë dhe më të mençur, i cili do të mundësojë një përdorim më efikas të burimeve të rinovueshme dhe do të përmirësojë lidhjet rajonale, duke rritur kështu qëndrueshmërinë e sistemit ndaj kushteve klimatike dhe luhatjeve të kërkesës.”
Drejtori i Përgjithshëm i MEPSO, Burim Llati, theksoi angazhimin e kompanisë për të përmirësuar kapacitetet teknike dhe për të realizuar projekte që kontribuojnë në zhvillimin e qëndrueshëm të sektorit të energjisë. Ky grant është një hap i rëndësishëm drejt realizimit të objektivave strategjikë të MEPSO-së për një rrjet të avancuar dhe të integruar energjetik.
Ky projekt është pjesë e një angazhimi më të gjerë për modernizimin e infrastrukturës energjetike në Maqedoninë e Veriut dhe për integrimin e burimeve të energjisë së rinovueshme në rrjetin kombëtar. Bashkëpunimi me AFD dhe RTE International do të kontribuoni në përmirësimin e menaxhimit të rrjetit, duke mundësuar një furnizim më të qëndrueshëm dhe efikas me energji elektrike për qytetarët dhe industrinë e vendit.
