Kompania kosovare e prodhimit dhe tregtimit të energjisë, MCM Commodities, është bërë anëtari më i ri i Bursës Shqiptare të Energjisë (ALPEX), duke nënshkruar marrëveshjen e anëtarësimit dhe duke hyrë në tregun Day-Ahead të ALPEX-it. –
Ky hap e çon në 43 numrin e anëtarëve të ALPEX, duke theksuar rritjen e pjesëmarrjes së aktorëve të sektorit privat në tregun e organizuar të energjisë në Shqipëri dhe Kosovë.
MCM Commodities, e themeluar në vitin 2012, është një kompani e licencuar nga Zyra e Rregullatorit të Energjisë (ZRRE) të Kosovës dhe vepron në përputhje me legjislacionin vendas dhe rregullat e tregut të energjisë.
Ky zhvillim është një hap i rëndësishëm në forcimin e integrimit të tregjeve të energjisë elektrike në rajon dhe mbështet iniciativat për krijimin e një tregu të përbashkët energjetik në përputhje me standardet e Bashkimit Evropian.
