Mali i Zi pritet të nisë fazën testuese të parkut të erës Gvozd (55 MW) deri në fund të vitit 2025, raporton SeeNews. Projekti po zhvillohet nga kompania shtetërore Elektroprivreda Crne Gore (EPCG).
Parku do të përbëhet nga tetë turbina Nordex N163/6.X, secila me kapacitet rreth 7 MW. Dorëzimi i turbinave pritet të fillojë në fund të vitit 2025, ndërsa operimi i plotë mund të nisë në pranverën e vitit 2026.
Financimi i projektit është siguruar me mbështetjen e EBRD, e cila fillimisht ka dhënë 82 milionë euro dhe së fundmi ka miratuar edhe një kredi shtesë prej 26 milionë eurosh për zgjerimin e kapacitetit në 75 MW.
Pas përfundimit të operimit të plotë, parku i erës “Gvozd” pritet të prodhojë rreth 186 GWh energji të pastër në vit, të mjaftueshme për mbi 35,000 ekonomi familjare, duke ulur njëkohësisht emetimet e CO₂ me rreth 137,000 tonë në vit.
