Grupi PPC ka vënë në funksion një park fotovoltaik prej 130 MW në Călugăreni të Rumanisë jugore, rreth 40 kilometrash nga Bukureshti.
Projekti përfshin 227,240 panele bifaciale, të cilat pritet të prodhojnë rreth 193 GWh energji në vit – mjaftueshëm për të furnizuar afërsisht 48,500 familje. Sipas PPC, parku do të kontribuojë edhe në reduktimin e emetimeve me rreth 116,000 tonë CO₂ në vit.
Kompania thekson se ky investim është pjesë e zgjerimit të portofolit të energjive të ripërtëritshme në Ballkanin Juglindor. Projekti është zhvilluar në kuadër të marrëveshjes së PPC-së me Metlen Energy & Metals për ndërtimin e disa qindra megavatëve kapacitet të ri fotovoltaik në Rumani.
Me këtë park të ri, kapaciteti total i instaluar i PPC-së pritet të kalojë 6.5 GW, ndërsa vetëm në Rumani arrin rreth 1.5 GW.
