Në Kopshtin “Yllkat” në Prishtinë, është ndërprerë rryma. Kjo ka ndodhur si pasojë mospagesës së borxhit ndaj KEDS-it.
Lidhur me këtë situatë një arsyetim e ka dhënë drejtoresha e këtij institucioni, Rifadije Sopi. Ajo ka treguar se për shkak se Komuna e Prishtinës nuk ka fonde për pagesën e energjisë elektrike, është ndërprerë rryma.
“Me keqardhje ju njoftojmë se aktualisht buxheti është i bllokuar në Komunën e Prishtinës nga Ministria e Financave, Punës dhe Transfereve dhe në këtë fazë Komuna e Prishtinës nuk ka fonde për pagesën e energjisë elektrike. Si rrjedhojë e kësaj në IP Yllkat është ndërprerë energjia elektrike”, deklaroi drejtoresha Sopi.
Komuna e Prishtinës që disa kohë e hedh fajin tek niveli qendror, tek Qeveria Kurti, saktësisht tek Ministria e Financave dhe Transfereve për bllokim të buxhetit.
Përveç çerdhes, edhe shumë institucione tjera që veprojnë në kuadër të komunës së Prishtinës janë në gjendje të rënduar financiare.
