Më 26 nëntor, CDF organizoi një dialog rajonal për të diskutuar Planin e Përveçimit të Agjendës së Gjelbër për Ballkanin Perëndimor 2025–2030 dhe potencialin e Komuniteteve të Energjisë Ripërtëritshme (RECs) në Kosovë.
Ekspertë nga Sllovenia, Kosova dhe Greqia ndanë përvojat e tyre, duke theksuar praktikat e suksesshme, por edhe sfidat e përbashkëta për RECs, si procedurat administrative të ndërlikuara, akses i kufizuar në financim, rregullore jo të qarta dhe vështirësi në mobilizimin e pjesëmarrjes së komunitetit.
Panelistët vënë në dukje se, megjithëse ka pasur përparim në disa fusha, të gjitha ekonomitë e Ballkanit Perëndimor mbeten prapa në pesë shtyllat kryesore të Agjendës së Gjelbër.
Sfidat kryesore përfshijnë gatishmërinë e kufizuar për dekarbonizim, sisteme të dobëta të ekonomisë cirkulare, ndotje të vazhdueshme të ajrit dhe ujit, adoptim të ngadaltë të praktikave të bujqësisë së qëndrueshme dhe presion mbi biodiversitetin dhe ekosistemet.
Pjesëmarrësit theksuan se përparimi i Agjendës së Gjelbër dhe zhvillimi i RECs kërkon angazhim të vërtetë të shoqërisë civile, si dhe një implementim të qartë, transparent dhe llogaridhënës.
Ngjarja u organizua nën projektin #EECSOK, i mbështetur nga Ambasada e Suedisë në Prishtinë dhe implementuar nga CDF, si pjesë e përpjekjeve për të fuqizuar shoqërinë civile mjedisore dhe për të nxitur dialog konstruktiv rajonal mbi prioritetet e tranzicionit të gjelbër.
