Kompania turke e energjisë së pastër Fortis Energy ka nisur zyrtarisht ndërtimin e një centrali fotovoltaik me kapacitet 62 megavat (MW) në juglindje të Shqipërisë, në zonën e Ersekës.
Projekti përfshin edhe instalimin e një sistemi të ruajtjes së energjisë me bateri (BESS), me kapacitet rreth 25 MWh, që synon të rrisë fleksibilitetin dhe stabilitetin e furnizimit me energji elektrike në rrjet.
Sipas të dhënave të publikuara, centrali pritet të prodhojë rreth 135 GWh energji elektrike në vit, duke kontribuar ndjeshëm në rritjen e prodhimit nga burimet e energjisë së ripërtëritshme në Shqipëri. Leja për ndërtim është dhënë nga autoritetet shqiptare gjatë këtij viti.
Ky investim është pjesë e një portofoli më të gjerë projektesh diellore që Fortis Energy po zhvillon në Shqipëri, me kapacitete të planifikuara edhe në zona të tjera të vendit, përfshirë Fierin, Shkodrën, Dibrën dhe Vlorën.
