Falë reshjeve të mëdha dhe prurjeve të shtuar në kaskadën e Drinit, prodhimi i energjisë elektrike ka pësuar një rritje të konsiderueshme, çka ka mundësuar zhvillimin e ankandit të parë të shitjes së energjisë nga KESH për vitin 2026.
Kompania Kombëtare e Energjetikës (KESH) njoftoi se ka arritur të shesë 18.944 megavat orë (MWh) energji, me një çmim mesatar prej 57.64 euro për megavat. Shitja është realizuar në 4 lote të ndryshme, me çmimet që kanë variuar nga 38.69 euro për megavat orë, deri në 73.39 euro për megavat orë. Vlera totale e energjisë të shitur ka arritur në 1.1 milionë euro.
Ky ankand i suksesshëm ka ardhur si pasojë e kushteve të favorshme të motit dhe rritjes së prurjeve, që kanë mundësuar prodhimin e më shumë energjie nga hidrocentralet e kaskadës së Drinit. Me këtë shitje, KESH ka mundur të maksimizojë përfitimet nga kapacitetet e saj prodhuese, duke kontribuar në stabilitetin financiar të kompanisë.
Kjo veprimtari është pjesë e një strategjie më të gjerë të KESH për të menaxhuar burimet energjetike në mënyrë efektive dhe për të krijuar mundësi të reja për shitjen e energjisë në tregjet e brendshme dhe ndërkombëtare.
