Qendra për punë sociale në Viti, e cila punëson 89 punonjës dhe ofron shërbime për qindra qytetarë, ka përfituar nga masat për përmirësimin e kushteve në ndërtesë, duke e bërë ambientin më të rehatshëm për punonjësit dhe qytetarët.
Fondi i Kosovёs pёr Efiçiencё tё Energjisё (FKEE) ka implementuar masa për kursim të energjisë dhe përmirësim të komoditetit, ndërsa ndërtesa ka fituar edhe një pamje më të bukur për qytetin e Vitisë.
Ky projekt është një nga 17 projektet për të cilat auditimi dhe dizajni janë mundësuar nga Banka Botërore, ndërsa investimet janë financuar nga Qeveria e Republikës së Kosovës, njofton Energy Monitor.
Projekti tregon se investimet e tilla ndihmojnë jo vetëm në përmirësimin e kushteve për përdoruesit, por edhe në kursimin e energjisë dhe zhvillimin e ambientit urban.
