Banka Evropiane për Rindërtim dhe Zhvillim (BERZH) ka miratuar një kredi prej 22.5 milionë euro për ndërtimin e një nënstacioni të ri elektrik në Tiranë, në kuadër të përpjekjeve për forcimin e rrjetit energjetik në Shqipëri.
Projekti synon të përmirësojë sigurinë dhe besueshmërinë e furnizimit me energji elektrike në kryeqytet, duke adresuar rritjen e kërkesës dhe zhvillimin urban në zonën e Tiranës.
Nënstacioni i ri do të kontribuojë në stabilitetin e sistemit elektroenergjetik dhe do të mundësojë integrimin më të madh të burimeve të energjisë së ripërtëritshme në rrjet, njofton Energy Monitor.
Financimi është pjesë e bashkëpunimit të vazhdueshëm ndërmjet BERZh dhe Operatori i Sistemit të Transmetimit, i cili është përgjegjës për operimin dhe zhvillimin e rrjetit të transmetimit në Shqipëri.
Projekti pritet të ketë ndikim të drejtpërdrejtë në përmirësimin e cilësisë së furnizimit për konsumatorët dhe në reduktimin e humbjeve teknike në rrjet.
Ky investim vjen në një kohë kur Shqipëria po intensifikon përpjekjet për modernizimin e infrastrukturës energjetike dhe për përmbushjen e objektivave të tranzicionit energjetik, duke përfshirë rritjen e pjesës së energjisë së pastër në miksin energjetik.
