Është lansuar fushata kombëtare “Mbroje, Duaje, Mbaje”, e cila synon ngritjen e ndërgjegjësimit qytetar dhe fuqizimin e veprimeve të përbashkëta për mbrojtjen e mjedisit.
Ngjarja mblodhi mbi 130 pjesëmarrës, përfaqësues të organizatave mjedisore, institucioneve dhe bizneseve. Në fjalën e tij, Ambasadori i Suedisë në Kosovë theksoi rëndësinë e ndërtimit të një partneriteti të gjerë dhe afatgjatë në të gjitha nivelet e shoqërisë, për një ambient më të pastër dhe më të shëndetshëm.
“Mbroje, Duaje, Mbaje” është një thirrje e hapur për qytetarët, institucionet dhe bizneset që kujdesi për mjedisin të bëhet pjesë e përditshmërisë sonë.
Fushata zhvillohet në kuadër të projektit “Fuqizimi i Organizatave të Shoqërisë Civile për Mjedisin në Kosovë (EECSOK)”, i implementuar nga Community Development Fund (CDF) dhe i mbështetur nga Ambasada e Suedisë në Prishtinë.
