Gjatë ditës së djeshme, reshjet e dendura shkatërruan rrjetin elektrik në disa zona të vendit, duke shkaktuar ndërprerje të furnizimit. Më të prekur aktualisht ishin komunat e Gjilanit dhe Suharekës, ku ekipet e KEDS-it punuan intensivisht për të rikthyer energjinë elektrike për të gjithë konsumatorët sa më shpejt të jetë e mundur.
KEDS njofton se situata monitorohet në vazhdimësi dhe janë angazhuar të gjitha ekipet për ndërhyrje të menjëhershme aty ku paraqitet nevoja. Kompania falënderon qytetarët për mirëkuptimin dhe bashkëpunimin gjatë operacionit.
Duke pasur parasysh reshjet e pritura edhe gjatë ditës së sotme, rekomandohet që qytetarët të raportojnë çdo problem apo defekt përmes kanaleve zyrtare të komunikimit të KEDS-it, për të siguruar ndërhyrje sa më të shpejtë.
