Pesë minatorë të Trepçës mbetën të bllokuar në horizontet e minierës për nëntë orë pas problemeve me energjinë elektrike.
Lajmin për KOHËN e ka konfirmuar kryesindikalisti i Trepçës, Ibrahim Jonuzi. Ai tha se pesë pompistët janë shëndosh e mirë dhe kanë arritur të dalin nga miniera.
“Janë pesë pompistë kujdestarë, të cilët kanë mbetur në vendet e tyre të punës në minierë për shkak të problemeve teknike me energjinë elektrike. Ata kanë mbetur të bllokuar për nëntë orë. Janë shendosh e mirë dhe janë kthyer në shtëpi”, ka thënë Jonuzi.
