Administrata Trump është në “dialog aktiv” për krijimin e një rezerve nafte në Kaliforni, një lëvizje që synon të forcojë infrastrukturën energjetike në Bregun Perëndimor të SHBA-së. Lajmin e bëri të ditur Sekretari i Energjisë, Chris Wright, gjatë një vizite në objektet e naftës në Santa Barbara.
“Kalifornia është një platformë ushtarake nisjeje për Oqeanin Paqësor… Çfarë mund të bëjmë për ta bërë Kaliforninë dhe mbrojtjen tonë kombëtare më të sigurt? Ajo bie në sy si një ishull energjetik i izoluar,” deklaroi Wright.
Sipas tij, administrata po diskuton mundësinë e ndërtimit të një rezerve strategjike në shtet, e cila do të rriste furnizimet në rajonin e Bregut Perëndimor, ku çmimet e karburantit mbeten të larta. Aktualisht, rezerva strategjike e naftës së SHBA ndodhet në shpellat e kripës në Teksas dhe Luiziana.
Plani vjen ndërsa SHBA po vijon përdorimin e rezervave ekzistuese për të stabilizuar tregun e energjisë në periudha krizash, përfshirë edhe lirimin e miliona fuçive nafte në vitet e fundit për të zbutur luhatjet e çmimeve.
/5pyetjet.al
