Në komunën e Shtimes ka nisur zbatimi i masave për rritjen e efiçiencës së energjisë në tri shkolla publike, si pjesë e programit të Fondit për Kursimin e Energjisë në Kosovë (FKEE).
Ky projekt synon të përmirësojë kushtet e mësimit për nxënësit dhe stafin arsimor, duke reduktuar njëkohësisht shpenzimet për energji elektrike në institucionet arsimore.
Investimet janë të mbuluara nga buxheti i Qeverisë së Republikës së Kosovës dhe zbatohen përmes skemës kthyese që operon FKEE.
Përmes këtyre ndërhyrjeve, pritet të arrihet një standard më i lartë komoditeti dhe kursimi i konsiderueshëm i energjisë në ndërtesat shkollore, veçanërisht gjatë muajve të ftohtë të vitit.
Projekti është pjesë e një nisme më të gjerë për rritjen e efikasitetit energjetik në objektet publike në gjithë vendin, dhe Shtimja është ndër komunat përfituese ku implementimi tashmë ka nisur me sukses.
