Presidenti i Shteteve të Bashkuara të Amerikës, Donald Trump, u bëri thirrje sot vendeve evropiane të “ndalojnë blerjen e naftës nga Rusia”, duke kërkuar presion shtesë mbi Presidentin Vladimir Putin për të ndaluar luftën në Ukrainë.
“Evropianët po blejnë naftë nga Rusia, kjo nuk duhet të ndodhë, apo jo?” , tha Trump në një darkë në Mont Vernon, në shtetin amerikan të Virxhinias.
Sipas Bloomberg, Trump i sugjeroi ambasadorit të SHBA-së në NATO, Matthew Whittaker, të rriste presionin mbi Evropën.
“Ata duhet të ndalojnë së bleri naftë nga Rusia, Matt”, tha Trump dhe shtoi se Whittaker nuk do të lejonte që kjo të vazhdonte për shumë kohë.
Siç na kujton Bloomberg, Trump shpesh kritikon vendet evropiane për blerjen e produkteve energjetike ruse.
Kritika e fundit ishte pas një takimi me kryeministrin britanik Kier Starmer, kur Trump deklaroi se ishte gati të rriste presionin ekonomik mbi Moskën , por “jo kur njerëzit për të cilët ai lufton blejnë naftë nga Rusia”.
Trump shtoi se lufta në Ukrainë mund të ndalet nëse çmimet e naftës “rriten” më tej.
