Në kuadër të panairit të ndërtimit, patundshmërisë dhe materialeve ndërtimore, Expo Real Kosova 2025, Fondi Kosovar për Efiçiencë të Energjisë (FKEE) mori pjesë aktive me një prezantim të veçantë.
Në ditën e dytë të ngjarjes, drejtori menaxhues i FKEE-së, Driton B. Hetemi, mori fjalën në sesionin “Tech Talks” ku trajtoi temën “Efiçienca e energjisë si promotor i qëndrueshmërisë në ndërtim”.
Gjatë prezantimit, Hetemi theksoi rëndësinë e masave të efiçiencës së energjisë në sektorin e ndërtimit dhe ndikimin e tyre në arritjen e qëndrueshmërisë së ndërtesave dhe reduktimin e shpenzimeve energjetike. Ai prezantoi gjithashtu përvojat e deritanishme të FKEE-së dhe planet konkrete për të avancuar përdorimin e teknologjive dhe metodave që kontribuojnë në kursimin e energjisë në sektorin e ndërtimit në Kosovë.
Pjesëmarrja e FKEE-së në Expo Real Kosova përforcon angazhimin e këtij institucioni për promovimin e efiçiencës energjetike si një element kyç të zhvillimit të qëndrueshëm dhe ekonomisë së gjelbër në Kosovë.
