Kompania Enery ka nënshkruar një marrëveshje afatgjatë për blerjen e energjisë elektrike (PPA) me Coca-Cola HBC Bulgaria, për furnizim me energji të ripërtëritshme nga centrali hibrid Knizhovnik, i cili ka nisur operimin në jug të Bullgarisë.
Impianti përfshin një park fotovoltaik me kapacitet prej 122 MW dhe dy sisteme të ruajtjes së energjisë me bateri, me kapacitet prej 70 MWh dhe 130 MWh.
Prodhimi vjetor parashikohet të arrijë në 200 GWh, ekuivalent me konsumin vjetor të afro 50 mijë familjeve bullgare.
Kjo është marrëveshja e dytë korporative për energji nga centrali Knizhovnik, pas kontratës 15-vjeçare me kompaninë farmaceutike Teva.
Marrëveshjet e tilla u mundësojnë kompanive të sigurojnë furnizim afatgjatë me energji të ripërtëritshme dhe të përmirësojnë parashikueshmërinë e kostove.
