Kompania bullgare International Power Supply (IPS) hapi zyrtarisht “Factory X1”, fabrikën e parë me kapacitet të prodhimit të sistemeve të ruajtjes së energjisë me bateri (BESS) në Bullgari. Fabrika ndodhet në Chelopechene, në zonën industriale Kremikovtsi pranë kryeqytetit dhe është pjesë e parkut industrial “Hemus High-Tech”.
Kapaciteti vjetor fillestar i fabrikës është 3 GWh, ndërsa kompania ka plane për ta zgjeruar atë në 5 GWh deri në mesin e vitit të ardhshëm.
Fabrika prodhon sistemet modulare X-BESS me kapacitet prej 8.2 MWh për njësi, dhe më shumë se 70% e zinxhirit të furnizimit është vendosur brenda Evropës, duke përfshirë elemente si strukturat mekanike, elektronikën, inverterët, struktura fizike dhe sistemet e kontrollit; pjesa e vetme që nuk prodhohet lokal është ajo e qelizave të baterisë (battery cells), të cilat vijnë nga prodhues si EVE dhe Cornex.
Drejtori ekzekutiv i IPS, Alexander Rangelov, deklaroi se projekti është njohur nga Komisioni Evropian si një projekt strategjik për industrinë e pastër dhe për realizimin e objektivave të “Net-Zero Industry Act”.
Po ashtu, IPS po planifikon një fabrikë të dytë plotësisht automatike, e cila do të ketë kapacitet proizdhues prej 10 GWh, me financim të mundshëm nga Bashkimi Evropian, dhe që mund të ndërtohet pranë njërit prej rajoneve të ish-fabrika e qymyrit, si Maritsa East ose Bobov Dol.
