Prodhimi i energjisë elektrike nga burimet e ripërtëritshme në Maqedoninë e Veriut është rritur ndjeshëm gjatë muajit nëntor, sipas të dhënave të fundit të Operatorit të Tregut të Energjisë Elektrike të vendit.
Gjatë këtij muaji, prodhimi nga burimet e energjisë së gjelbër arriti 46,137 megavat-orë (MWh), duke shënuar një rritje prej 68 për qind krahasuar me nëntorin e vitit të kaluar. Në total u regjistruan 178 prodhues të energjisë së ripërtëritshme, nga 177 sa ishin një vit më parë.
Kontributi sipas teknologjive ishte si vijon:
- 92 hidrocentrale prodhuan 26,001 MWh,
- 79 impiante fotovoltaike prodhuan 708 MWh,
- dy parqe me erë gjeneruan 16,284 MWh,
- pesë impiante biogazi dhe biomase prodhuan së bashku 3,144 MWh.
Energjia e gjelbër përbënte 8.92 për qind të totalit të energjisë së prodhuar në vend gjatë nëntorit.
Rritja e prodhimit nga burimet e ripërtëritshme është tregues i zgjerimit të kapaciteteve të energjisë së gjelbër në vend dhe ndihmon në forcimin e pavarësisë energjetike, si dhe në uljen e emisioneve.
