Ndërmarrja rumune Simtel Team ka nënshkruar marrëveshje për ndërtimin e një sistemi të ruajtjes së energjisë me bateri (BESS) me kapacitet të përgjithshëm prej 196 megavat-orësh (MWh) në Rumani për Energy Capital Group, pjesë e ndërmarrjes MOGAN nga Bukureshti, njësi e ndërmarrjes turke Güris.
‘Projekti do të ketë kapacitet të ruajtjes deri në 196.4 megavat-orë si dhe fuqi të instaluar prej 98.6 megavatësh’, kanë thënë nga Simtel në komunikatën për media.
Ky projekt do të jetë më i madhi i këtij lloji në vend, duke tejkaluar ndjeshëm kapacitetin e përgjithshëm ekzistues të ruajtjes së energjisë në Rumani prej rreth 398 MWh.
Vlera e kontratës është 169 milionë lei, afërsisht 34 milionë euro, ndërsa ndërtimi pritet të përfundojë Brenda 9 muajsh pas fillimit të punimeve.
Ky BESS do të përfshijë sisteme të avancuara të menaxhimit të baterive, të cilat mundësojnë stabilizimin e rrjetit dhe kompensimin e prodhimit të energjisë elektrike nga panelet diellore dhe hidrocentraleve, veçanërisht gjatë orëve me kërkesë të ulët.
