Qeveria kubaneze njoftoi për zbatimin e masave të para për të hapur ekonominë ndaj sektorit privat, si pjesë e një programi reformash që synon rigjallërimin e aktivitetit mes krizës së rëndë financiare dhe energjetike të vendit.
Kjo thuhet në një dekret të botuar sot në Gazetën Zyrtare, i cili autorizon ndërmarrjet e vogla dhe të mesme (NVM) dhe sektorin kooperativ jo-shtetëror të angazhohen në aktivitete private, duke përfshirë shpërndarjen e karburantit, nxjerrjen e naftës dhe gazit natyror, dhe shërbimet farmaceutike, në varësi të “një sërë kërkesash të rrepta”.
Miniera në shkallë të gjerë jashtë kontrollit të shtetit do të jetë e mundur vetëm përmes partneriteteve ekonomike dhe investimeve të huaja, thuhet në dekret.
Qeveria kubaneze thekson, se masat e reja nuk po çojnë në privatizimin e ekonomisë, pasi ndërmarrja shtetërore socialiste ruan rolin e saj themelor, duke shtuar se ajo që po ndodh është “pjesëmarrje më e madhe nga aktorët ekonomikë jo-shtetërorë.
Megjithatë, dekreti thotë se aktivitetet që lidhen me informacionin, komunikimin dhe telekomunikacionin mbeten rreptësisht të ndaluara për aktorët jo-shtetërorë.
