Bashkimi Evropian ka shpërndarë 3.66 miliardë euro për financimin e 34 projekteve të energjisë së pastër në nëntë shtete anëtare, përmes Fondit të Modernizimit (Modernisation Fund).
Ky fond mbështetet nga të ardhurat e sistemit të tregtisë së emetimeve (EU ETS) dhe shërben për përshpejtimin e tranzicionit drejt sistemeve më të qëndrueshme energjetike.
Ky është shpërndarja më e madhe nga Fondi Modernizimi deri më sot, duke e çuar totalin e fondeve të disbursuara që prej janarit 2021 në rreth 19.1 miliardë euro.
Në listën e përfituesve përfshihen Kroacia (170 milionë euro), Republika Çeke (1.05 miliardë euro), Greqia (113.6 milionë euro), Hungaria (181.3 milionë euro), Letonia (40 milionë euro), Lituania (37 milionë euro), Polonia (1.33 miliardë euro), Rumania (712.3 milionë euro) dhe Sllovenia (19.7 milionë euro).
Projekte të financuara përfshijnë: zgjerimin e prodhimit të energjisë nga burime të rinovueshme, modernizimin e rrjeteve energjetike, sistemet e ruajtjes së energjisë, si dhe përmirësimet në eficiencën e energjisë në industritë dhe ndërtimet publike .
Zëvendës-Presidenti i Bankës Evropiane të Investimeve (EIB), Ambroise Fayolle, theksoi se këto investime jo vetëm do të reduktojnë varenë nga lëndët djegëse fosile dhe emetimet e karbonit, por do të forcojnë gjithashtu konkurrueshmërinë industriale në Evropë.
Afatet e ardhshme për dorëzimin e projekteve nga shtetet anëtare janë përcaktuar: deri më 12 gusht 2025 për propozime jo-prioritare dhe 9 shtator 2025 për ato prioritare .
