Prodhimi vendor i energjisë elektrike në Maqedoninë e Veriut gjatë muajit maj të vitit 2026 ka mbuluar pothuajse të gjithë konsumin e brendshëm, duke arritur në 96,5 për qind të energjisë së shpenzuar në vend, tregojnë të dhënat e publikuara nga Enti Shtetëror i Statistikës.
Sipas statistikave zyrtare, prodhimi i përgjithshëm bruto i energjisë elektrike në maj arriti në 462.653 MWh, që përfaqëson 96,5 për qind të konsumit bruto të brendshëm të energjisë elektrike.
Nga Enti Shtetëror i Statistikës bëjnë të ditur se prodhimi vendas ka mbuluar pothuajse tërësisht nevojat për energji elektrike gjatë këtij muaji, ndërsa 99,9 për qind e konsumit të përgjithshëm të qymyrit është përdorur për prodhimin e energjisë elektrike.
Rritje më e madhe e prodhimit u regjistrua te panelet solare, 50.6 përqind, pasi sivjet u prodhuan 31 435 MWh, ndërsa majin e kaluar 20 873 MWh. Rritje e prodhimit të energjie u regjistrua edhe te hidrocentralet për 33.2 përqind, ndërsa te termocentralet kemi ulje për 13.6 përqind.
Të dhënat pasqyrojnë një nivel të lartë të mbulimit të konsumit me prodhim vendor, duke reduktuar nevojën për importe të energjisë elektrike gjatë muajit maj.
