Global Energy Solutions dhe Novus kanë nënshkruar një marrëveshje bashkëpunimi për zhvillimin e mundësive të reja biznesore në sektorin e energjisë dhe infrastrukturës digjitale në Kosovë, Shqipëri dhe vendet e tjera të rajonit.
Marrëveshja u nënshkrua nga CEO i Global Energy Solutions, Ilir M. Shala, dhe CEO e Novus, Leonora Mehmetaj Hajdini.
Në kuadër të këtij bashkëpunimi, palët do të fokusohen në identifikimin, zhvillimin dhe realizimin e projekteve në fushat e sistemeve ICT, SCADA/EMS, telekomunikimit, digjitalizimit dhe zgjidhjeve të tjera teknologjike për operatorët energjetikë dhe infrastrukturën kritike, përcjell Energy Monitor.
Sipas palëve, qëllimi i marrëveshjes është kombinimi i ekspertizës dhe rrjetit rajonal të Global Energy Solutions me kapacitetet teknike dhe implementuese të Novus, me synim zhvillimin e projekteve strategjike që mbështesin modernizimin e sektorit energjetik dhe transformimin digjital në rajon.
