Fondi i Kosovës për Efiçiencë të Energjisë ka hapur Thirrjen Publike për pranim të aplikimeve për Ekspert të Jashtëm për Analizën dhe Optimizimin e Proceseve të Skemave të Digjitalizuara në FKEE.
Ftohen ekspertët e interesuar dhe të kualifikuar të aplikojnë duke ndjekur kriteret dhe procedurat e përcaktuara në dokumentacionin e thirrjes.
Për më shumë informata klikoni në linkun: https://fkee-rks.net/mundesi-punesimi/
Kandidatët duhet t’i dorëzojnë dokumentet si më poshtë:
- Kopja e pasaportës valide ose letërnjoftimit valid (që dëshmon shtetësinë e aplikantit);
- Biografia (CV) (duhet të përmbajë sqarime të detajuara lidhur me përvojën e aplikantit);
- Dëshmitë për kualifikimet universitare (kopje e diplomës apo diplomave);
- Dëshmitë për kualifikimet profesionale dhe përvojën e punës (kontrata, referenca ose dokumente të tjera të verifikueshme, ku specifikohen pozita, periudha e angazhimit dhe detyrat e kryera;);
- Çertifikata që dëshmon se nuk është dënuar me vendim të formës së prerë për kryerjen e një vepre penale (kjo certifikatë merret nga gjykata kompetente dhe duhet të jetë jo më e vjetër se sa data e publikimit të thirrjes);
- Deklaratën e nënshkruar që nuk ka qenë anëtar i organeve drejtuese të ndonjë partie politike të paktën dymbëdhjetë (12) muajt e fundit; (Formën e deklarimit e gjeni në fund të kësaj thirrjeje si shtojca 1);
- Deklaratën e nënshkruar që nuk ka ndonjë konflikt të interesit me rolin në fjalë; (Formën e deklarimit e gjeni në fund të kësaj thirrjeje si shtojca 2);
Dorëzimi i dokumentacionit tё kompletuar pёr aplikim në rolin e ekspertit të jashtëm, mund të bëhet duke filluar nga data 22.09.2026 deri më 06.10.2026 përmes postës elektronike rekrutimi@fkee-rks.net, duke specifikuar në subjekt rolin për të cilin aplikoni (Ekspert i Jashtëm).
Përzgjedhja e ekspertit të jashtëm të FKEE-së, bëhet nga Drejtorja Menaxhuese, ku Komisioni i Personelit të FKEEsë pas shqyrtimit të CV-ve dhe dokumentacionit të pranuar, do të propozojë kandidatët më të përshtatshëm për këtë pozitë.
Vetëm kandidati i përzgjedhur do të njoftohet dhe vendimi për përzgjedhje do të publikohet në uebfaqen e FKEE-së.
Pyetjet rreth procedurave dhe kushteve për aplikim, mund të parashtrohen përmes adresës elektronike: rekrutimi@fkee-rks.net.
