CWP Europe ka njoftuar se ka vënë në operim komercial projektin solar Studina, me kapacitet 174 MWdc, në Rumani.
Parku fotovoltaik ndodhet në komunën Studina, në qarkun Olt, në jug të vendit, dhe pritet të prodhojë rreth 245 mijë MWh energji elektrike në vit. Sipas vlerësimeve, projekti do të furnizojë mbi 122 mijë amvisëri dhe do të kontribuojë në uljen e emetimeve të dioksidit të karbonit me rreth 220 mijë tonë CO₂ në vit.
Projekti është realizuar me pjesëmarrjen e disa kontraktorëve ndërkombëtarë, ndërsa kompania ka siguruar gjithashtu leje ndërtimi për instalimin e një sistemi magazinimi të energjisë me bateri në të njëjtin lokacion, me ndërtimin që pritet të nisë në fazën e ardhshme.
CWP Europe është një partneritet ndërmjet CWP dhe Mercuria Energy Trading dhe menaxhon një portofol prej rreth 7 GW projektesh të energjisë së ripërtëritshme në Evropën Juglindore.
