Agjencia Ndërkombëtare e Energjisë Atomike (IAEA) ka njoftuar ditën e sotme se termocentrali bërthamor Zaporizhia në Ukrainë ka patur një ndërprerje të jashtme të energjisë elektrike për herë të 23-të që nga fillimi i luftës.
Shkaku i ndërprerjes së energjisë elektrike, e cila zgjati rreth dy orë, nuk dihet, sipas IAEA-s. Sipas postimit të Agjencisë në platformën “X”, ky incident tregon edhe një herë brishtësinë e sigurisë së impiantit bërthamor në rajon
“Centrali bërthamor i Zaporizhzhyas sot humbi energjinë elektrike për herë të 23-të gjatë konfliktit ushtarak, duke nxjerrë në pah edhe një herë situatën e brishtë të sigurisë bërthamore në vend. Gjatë shkëputjes së linjës së fundit të energjisë së mbetur të ZNPP-së – Ferosplavna-1 – gjeneratorët me naftë të emergjencës siguruan energji rezervë për ftohjen e reaktorit dhe funksione të tjera thelbësore të sigurisë. Shkaku i ndërprerjes së fundit të energjisë jashtë vendit – që zgjati për gati dy orë – nuk dihet ende”, thuhet në postimin e IAEA-së.
