Sipas hartës së ndërprerjeve të kompanisë Pepco, 41 ndërprerje aktive po preknin 1.285 konsumatorë në të gjithë zonën e saj të shërbimit, e cila u shërben gjithsej 917.954 konsumatorëve.
Kompania energjetike Pepco ka njoftuar se më shumë se 1.000 konsumatorë mbetën pa energji elektrike në lagjen Foggy Bottom të Washingtonit, DC, pas një incidenti në një nënstacion elektrik, transmeton Anadolu.
Pepco, e cila furnizon me energji elektrike kryeqytetin amerikan dhe zonat përreth, tha në një deklaratë për transmetuesin 7News se rreth 1.100 konsumatorë u prekën nga një incident në nënstacionin e saj në rrugën I.
“Ekipet e Pepco-s ndodhen në vendngjarje duke vlerësuar situatën dhe po punojnë në mënyrë të sigurt dhe sa më shpejt të jetë e mundur për të rikthyer energjinë elektrike”, tha kompania.
“Për momentin, shkaku i incidentit mbetet nën hetim”, shtoi ajo.
Kompania energjetike tha se nuk kishte një kohë të parashikuar për rikthimin e energjisë elektrike, pasi “situata është ende në zhvillim”.
Ajo gjithashtu u bëri thirrje “banorëve dhe vizitorëve të qëndrojnë larg zonave ku po kryhen punimet”.
Departamenti i Zjarrfikësve dhe Shërbimeve Mjekësore Emergjente të DC-së tha në rrjetin social amerikan X se ekipet iu përgjigjën njoftimeve për tym që dilte nga disa puseta në bllokun 1800 të rrugës H NW.
Departamenti tha se personeli i Pepco-s ndodhej në vendngjarje për të ndihmuar lidhur me një rritje të tensionit dhe ndërprerjet e energjisë elektrike në zonë.
Sipas hartës së ndërprerjeve të kompanisë Pepco, 41 ndërprerje aktive po preknin 1.285 konsumatorë në të gjithë zonën e saj të shërbimit, e cila u shërben gjithsej 917.954 konsumatorëve.
/aa.com.tr
