Megjithatë, ritmi i rritjes së eksporteve ishte disi më i ulët krahasuar me tremujorin e mëparshëm, kur zgjerimi kishte arritur në 11%.
Eksportet shqiptare të mallrave shënuan rritje me 9.8% gjatë tremujorit të tretë të vitit 2026, të mbështetura kryesisht nga zgjerimi i eksporteve të mineraleve, lëndëve djegëse dhe energjisë elektrike.
Sipas raportit të politikës monetare të Bankës së Shqipërisë, kjo ecuri u ndikua nga rritja e prodhimit të energjisë elektrike, si dhe nga shtrenjtimi i naftës në tregjet ndërkombëtare.
Megjithatë, ritmi i rritjes së eksporteve ishte disi më i ulët krahasuar me tremujorin e mëparshëm, kur zgjerimi kishte arritur në 11%.
Një nga faktorët që ndikoi në këtë ngadalësim ishte performanca e dobët e sektorit të tekstileve dhe këpucëve, i cili vijoi të japë kontribut negativ në ecurinë e eksporteve.
Nga ana tjetër, importet e mallrave u rritën me 6.7% në tremujorin e tretë, kundrejt rritjes prej 5.9% në tremujorin paraardhës.
Kjo rritje u mbështet nga importi i makinerive, pajisjeve dhe pjesëve të këmbimit, si dhe nga zgjerimi i kategorive të tjera të mallrave.
Të dhënat tregojnë se tregtia e jashtme shqiptare vijon të mbështetet në një masë të konsiderueshme nga sektori energjetik dhe industria nxjerrëse, ndërsa eksportet e tekstileve dhe këpucëve mbeten një pikë e dobët.



