Zyra e Rregullatorit të Energjisë (ZRrE) e Kosovës ka mbajtur sot mbledhjen e radhës, në të cilën janë marrë disa vendime të rëndësishme në fushën e energjisë.
Me pesë vota pro, anëtarët e Bordit të ZRrE-së kanë miratuar propozimin për aprovimin e Rregullës për Mekanizmin Mbështetës të Energjisë së Ripërtërishme, e cila synon të krijojë një kornizë të qëndrueshme për nxitjen e investimeve në burime të ripërtërishme të energjisë.
Po ashtu, gjatë kësaj mbledhjeje është aprovuar edhe kërkesa për dhënie të autorizimit për vetëkonsum të energjisë elektrike për 43 biznese private, duke u mundësuar atyre të prodhojnë dhe shfrytëzojnë energjinë e tyre elektrike.
