Ministrja e energjetikës, minierave dhe burimeve minerale e Maqedonisë së Veriut, Sanja Bozhinovska, sot në Shkup realizoi takim me Kristian Virmer, sekretar shtetëror për Evropë dhe çështje ndërkombëtare dhe zëdhënës i qeverisë së landit gjerman Renania Veriore‑Vestfalia.
Në takim u shkëmbyen mendime për proceset në sektorin energjetik, me fokus të veçantë në sigurinë energjetike, diversifikimin e burimeve dhe zhvillimin e infrastrukturës moderne.
Ministrja Bozhinovska prezantoi reformat për sigurimin e furnizimit të qëndrueshëm me energji, përshpejtimin e tranzicionit dhe harmonizimin me standardet evropiane.
Theks i veçantë u vu mbi zhvillimin e infrastrukturës së gazit dhe lidhjen energjetike rajonale për qëndrueshmëri më të madhe të sistemit.
Gjatë bisedës u shqyrtuan përvojat e Renanisë Veriore‑Vestfalisë si një nga rajonet më të rëndësishme industriale evropiane që po zbaton proceset e dekarbonizimit.
Të dyja palët theksuan se shkëmbimi i njohurive dhe praktikave të mira është kyç në fushën e efikasitetit energjetik, burimeve të ripërtëritshme dhe krijimit të kushteve për investime të reja.
Përdorimi i përvojave nga partnerët evropianë të zhvilluar u vlerësua si pjesë e rëndësishme e modernizimit të sektorit energjetik maqedonas.
Në takim u konkludua se ekzistojnë mundësi të mëdha për forcimin e bashkëpunimit institucional në kontekst të eurointegrimeve dhe tranzicionit energjetik. përcjell Zhurnal.mk .
