“Kjo ndërprerje ka padyshim ndikim të madh. Po punojmë me të gjitha forcat për të normalizuar situatën”, deklaroi kompania.
Rreth 20 mijë familje mbetën sot pa energji elektrike pas një ndërprerjeje të madhe që preku katër bashki në provincën e Flanders Lindore në Belgjikë, njoftuan autoritetet vendore dhe operatori i shpërndarjes së energjisë “Fluvius”, sipas transmetuesit publik VRT, transmeton Anadolu.
Ndërprerja preku zonat Zottegem, Herzele, Erpe-Mere dhe Brakel, pasi një kabllo e tensionit të lartë e kompanisë “Elia” u dëmtua rreth orës 08:50 me orën lokale, duke shkaktuar dështimin e një nënstacioni të madh shpërndarës në Zottegem.
Incidenti ndikoi në rreth 400 nënstacione të shpërndarjes së energjisë që shërbejnë në rajon, duke lënë mijëra familje pa energji elektrike. “Fluvius” bëri të ditur se po punon për rikthimin e energjisë, por ende nuk mund të japë një vlerësim se sa do të zgjasë ndërprerja.
“Kjo ndërprerje ka padyshim ndikim të madh. Po punojmë me të gjitha forcat për të normalizuar situatën”, deklaroi kompania. Një takim krize që përfshinte shërbimet e emergjencës u mbajt në Zottegem për të vlerësuar situatën dhe për të koordinuar ndihmën, njoftoi kryetarja e bashkisë së Zottegem, Evelien De Both.
Ndërprerja preku edhe spitalin “AZ Sint-Elisabeth” në Zottegem, ku gjeneratori i emergjencës nuk arriti të furnizonte me energji të gjitha pajisjet mjekësore. Të gjitha ndërhyrjet e planifikuara u anuluan ndërsa mjeku kryesor i spitalit, Manuel Valcke u këshilloi pacientëve të kërkojnë trajtim në një spital tjetër.
/aa.com.tr
